靈感來自小朋友對聖誕老人傳說嘅純真幻想！外盒設計成紅磚屋上嘅窗格，見到燦子同一班好朋友好興奮咁等待聖誕老人嘅來臨。打開外盒，一套可愛嘅聖誕紙咭掛飾由燦子、小琪、酷瑪同小淑親身上陣，掛喺聖誕樹上為屋企增添更多聖誕色彩。
裡面有兩個曲奇小盒，分別係聖誕襪造型伯爵茶味牛油曲奇同聖誕樹造型原味牛油曲奇。盒上印有燦子同好朋友之間歡度聖誕嘅小故事﹕鬼馬嘅燦子換上聖誕老人裝束，從煙囪掉下一個充滿「溫暖」嘅炸彈禮。屋內小琪同酷瑪接收到燦子送來嘅「熱情」，興高采烈咁慶祝聖誕節，展現出節日嘅溫情同歡樂。隨禮盒附送燦子特製嘅「大禮」－－摺疊環保購物袋，令每位燦粉都忍唔住心動。
