Gudetama嘆住過聖誕套餐

套裝包括﹕

1.       Gudetama聖誕懶得郁 - 原個蛋糕(6寸)  x 1個
2.       聖誕夢蛋屋 - 件裝蛋糕 X 1件
3.       冰雪蛋堡 - 件裝蛋糕 X 1件

【Gudetama聖誕懶得郁 (6吋) 】

雙層紅磚屋造型童趣十足！蛋糕以伯爵茶慕絲包住柔軟嘅朱古力海綿蛋糕，香醇嘅茶香同濃郁嘅朱古力相互交融，層次分明，令每一啖都充滿驚喜。蛋糕上層夾有厚厚嘅柑桔橘子夾心，微酸嘅果香平衡咗蛋糕嘅甜度，令味蕾都一齊chill起嚟。蛋糕外圍裝飾咗鮮忌廉唧花，頂部蓋上一層輕盈嘅蛋白霜，並用糖飾點綴，營造出冬日嘅歡樂氛圍。懶洋洋嘅主角Gudetama好舒適咁瞓喺屋頂上，陪住佢有聖誕樹同聖誕裝飾，度過最chill嘅聖誕夜！

*蛋糕內有不可食用的紙棒

【聖誕夢蛋屋】

可愛嘅甜甜圈造型，綠色朱古力鏡面鋪上糖珠、金色星星糖飾同朱古力葉子裝飾，散發住歡欣嘅聖誕氣息。內層榛子慕絲配榛子軟心同朱古力海棉蛋糕，帶嚟甜而不膩嘅幸福滋味。配上Gudetama蛋屋造型插牌，趣味十足！

【冰雪蛋堡】

QQ嘅冰屋造型蛋糕，底層為原味牛油蛋糕，上層係柔滑細膩嘅白朱古力慕絲夾住酸甜爽口嘅紅桑子啫喱，兩種截然不同嘅味道成為美妙嘅對比。面層白色朱古力鏡面，搭配精緻嘅朱古力葉子裝飾，冬日感滿滿。配上可愛紙牌－－Gudetama化身聖誕老人背住滿滿嘅禮物，送上聖誕祝福。